|

Зиндагиномаи Лоиқ Шералӣ

Тартибдиханда: wikipedia.org

Дохил кард: Сино Эгамбердиев

Санаи дохилгардида: 2013-05-09

Устод Лоиқ Шералӣ шоири бузурги муосири тоҷик 20 майи соли 1941 дар деҳаи Мазори Шариф воқеъ дар шаҳристони Панҷекати Тоҷикистон зода шудааст.
Ӯ соли 1954 пас аз хатми мактаби ҳафтсолаи деҳаи Мазори Шариф ба Омӯзишгоҳи омӯзгории шаҳри Панҷекат дохил шуда, соли 1958 онро хатм кард. Таҳсил дар ҳамин донишсаро роҳи ояндаи ӯро таъйин намуд. Ӯ бо маслиҳат ва пуштибонии бародари фозилаш Қоришариф соли 1959 ба Душанбе меояд ва ба факултаи забону адаб ва торихи Донишгоҳи омӯзгорӣ дохил мегардад ва соли 1963 онро ба поён мерасонад.
Пас аз ин, нахуст ба ҳайси муҳаррири шӯъбаи адабии радиои Тоҷикистон ва сипас корманди адабии рӯзномаи “Комсомоли Тоҷикистон”, мудири шӯъбаи назми маҷаллаи “Садои Шарқ”, мушовири Иттифоқи нависандагони Тоҷикистон, сардабири маҷаллаи мӯътабари адабии “Садои Шарқ” – нашрияи Иттиҳодияи нависандагони Тоҷикистон кор кард. Ӯ Аз соли 1965 узви Иттифоқи нависандагони Иттиҳоди Шӯравӣ буд. Бояд ёдовар шуд, ки дар он солҳо мутобиқи расму қоидаи маъмул ҳар адиб, ки мехост узви Иттифоқи нависандагон шавад, бояд то он дам ҳатман ками кам як маҷмӯа чоп карда бошад. Вале бо назардошти истеъдоди равшани Лоиқи ҷавон ва исрори устод Мирзо Турсунзода ӯро бидуни ҳеч маҷмӯае ба таври истисно ва аз қоида берун ба узвияти Иттифоқи нависандагон пазируфтанд. Ӯ ҳамчунин узви Кумитаи марказии Ҷумҳурии Тоҷикис¬тон ва низ намояндаи Шӯрои олии Иттиҳоди Шӯравӣ буд. Устод Лоиқ аз соли 1991 то дами марг ба сифати Райиси Бунёди байналмилалии забони форсии тоҷикӣ ифои вазифа кард.
30 июни соли 2000 соати 12 бар асари бемории сактаи мағзӣ чашм аз ҷаҳон пӯшид.Ҷанозаи он гаронмоя 1 июл бо ҳузури ҳазорон мухлисаш баргузор ва пайкари покаш дар Оромгоҳи Лучоби шаҳри Душанбе дар паҳлӯи бузургони адаб ва ҳунари Тоҷикистон дафн карда шуд. Байти зеринро худи устод ҳанӯз соли 1998 барои санги мазораш васият карда буд:


Дар рӯи замин намонд маъман,
Эй гӯр, дуруд бодат аз ман.

Устод соли 1978 барои маҷмӯаи “Хоки ватан” ва “Илҳом аз Шоҳнома” барандаи ҷоизаи давлатии Абӯабдуллоҳ Рӯдакӣ гардид. Ғайр аз ин ӯ унвони давлатии “Шоири халқии Тоҷикистон”-ро касб карда буд. Моҳи майи соли 1999 ба устод ҷоизаи байналмилалии “Нилуфар” эҳдо гардид.

Шеърҳо аз Устод Лоиқ Шералӣ

Резаборон
Ишқи ман
Ҷудоӣ
Пазмонӣ
Ифтихор

Дидан карданд: 8366

Мавзӯъҳои монанд:

Абулқосим Фирдавсӣ (932-1020)

Абӯабдуллоҳ Рӯдакӣ (858-941)

Сайидои Насафӣ (дар асрҳои XVI-XVII зиндагӣ кардааст)

Ҳофизи Шерозӣ (1321-1390)

Камоли Хуҷандӣ (1318/21-1401)

Ахмади Дониш (1826-1897)

Мир Сайид Алии Ҳамадонӣ (1314-1386)

Садриддин Айнӣ (1878-1954)

Хусрави Деҳлавӣ (1253 — 1325)

Низомии Ганҷавӣ (1141-1209)

Коментари дохил карданд:

Каментарй дохил кард: ikrom_1212@mail.ru
Санаи дохилгардида: 2013-08-02

туфта

Каментарй дохил кард: Dilyor dilyor1997@mail.ru
Санаи дохилгардида: 2014-07-09

ман мехохам забони англисиро омузам

Каментарй дохил кард: Dilyor dilyor1997@mail.ru
Санаи дохилгардида: 2014-07-09

дархамин сомона бисёртар дарсихо дохил куед

Каментарй дохил кард: Dilyor dilyor1997@mail.ru
Санаи дохилгардида: 2014-07-10

baroi omukhtani z.anglisi yagon mavod hastmi

Каментарй дохил кард: avliyoqulov97@mail.ru.
Санаи дохилгардида: 2016-05-17

Вокеан хам устоди зиндаед Лоик Шерали бехтарин хастанд. Рухашон шод бод!

Каментарй дохил кард: Ashraf ashrafazam2001 gmail.com
Санаи дохилгардида: 2018-04-06

лоик шерали аз дехаи мо мебошанд

Каментарй дохил кард: Ashraf ashrafazam2001 gmail.com
Санаи дохилгардида: 2018-04-06

камбудихо дорад!Бояд ислох шавад


Коментарии худро дохил кунед!

Суммаи ин ададҳоро нависед: