|

Декларатсия Кардани Мол

Тартибдиханда: Раҷабов Р.К., Шомирсаидов Ш., Самиев Ф.Б., Ҷаборов А.И., Ҳикматов С., Сатторов Қ

Дохил кард: Алишер Фозилов

Санаи дохилгардида: 2015-12-08

Дар Тоҷикистон мол ҳангоми  интиқол аз сарҳади гумрукӣ, тағйири низоми гумрукӣ, инчунин дар ҳолатҳои дигари  пешбининамудаи моддаҳои 183, 184, 247&nbsp;ва 435 КГҶТ бояд декларатсия карда  ба мақоми гумрук пешниҳод шавад.<br>
Мол бо роҳи ба мақомоти  гумрук дар шакли муқарраршуда арз намудани маълумоти боэътимод дар бораи мол,  низоми гумрукии он ва маълумоти дигари барои мақсадҳои гумрук зарурӣ (ба таври  хаттӣ, шифоҳӣ, конклюдентӣ ва электронӣ) декларатсия карда мешавад. Инчунин мол  аз ҷониби декларант ё брокери гумрук (намоянда) (боби 15 КГҶТ) бо интихоби  декларант декларатсия карда мешавад. <br>
Шакл ва тартиби  декларатсия кардани мол дар ҳолатҳое, ки КГҶТ танзим нанамудааст, аз ҷониби мақоми  ваколатдор оид ба масъалаҳои фаъолияти гумрукӣ муайян карда мешавад.       Рўйхати маълумоте, ки бояд дар  декларатсияи гумрукӣ зикр гардад, танҳо бо маълумоте маҳдуд мегардад, ки барои  мақсадҳои ҳисоб ва ситонидани боҷҳои гумрукӣ ва андоз, ташаккули омори гумрукӣ  ва татбиқи қонунгузории гумрукии Ҷумҳурии Тоҷикистон зарур мебошанд. <br>
Ҳангоми истифодаи  декларатсияи гумрукӣ ба сифати ҳуҷҷати баҳисобгирӣ бо мақсади назорати асъор,  ки мақомоти гумрук анҷом медиҳанд, дар декларатсияи гумрукӣ бояд маълумоте низ  зикр шаванд, ки тибқи қонунгузории Ҷумҳурии Тоҷикистон дар бораи танзими асъор  ва назорати асъор барои чунин мақсадҳо заруранд. <br>
Декларатсияи гумрукӣ аз ҷониби тартибдиҳандаи  он тасдиқ ва аз ҷониби корманди ин шахси ҳуқуқӣ имзо карда мешавад. Декларатсия  бо роҳи гузоштани мўҳр тасдиқ карда мешавад, агар тибқи қонунгузории Ҷумҳурии  Тоҷикистон шахси тартибдиҳандаи декларатсияи гумрукӣ мўҳр дошта бошад. <br>
Номгўи маълумоте, ки  бояд дар декларатсияи гумрукӣ зикр гардад ва шакли пешниҳоди онҳо бояд расман  чоп карда шаванд. Санадҳои меъёрии ҳуқуқии мақоми ваколатдор оид ба масъалаҳои  фаъолияти гумрукӣ, ки номгўи маълумоти дар декларатсияи гумрукӣ зикршавандаро  муайян мекунанд, тибқи моддаи 4 ҳамин Кодекс эътибори қонунӣ пайдо мекунанд. <br>
Декларатсияи гумрукӣ мумкин аст ба ҳар мақоми  гумруки дорои ҳуқуқи қабули декларатсия пешниҳод гардад. Бо мақсади таъмини  самаранокии назорати риояи қонунгузории гумруки Ҷумҳурии Тоҷикистон мақоми  ваколатдор оид ба масъалаҳои фаъолияти гумрукӣ ҳуқуқ дорад мақоми гумруки  дахлдорро барои декларатсияи намудҳои алоҳидаи мол танҳо дар ин ҳолатҳо муайян кунад:<br>
1) ҳангоми зарурати  истифодаи таҷҳизоти махсусгардонидашуда ва (ё) донишҳои махсус барои  барасмиятдарории гумрукии чунин мол ба монанди арзишҳои фарҳангӣ, аслиҳа,  техникаи ҳарбӣ ва лавозимоти ҷангӣ, маводи радиоактивӣ ва таҷзияшаванда;<br>
2) вобаста ба навъи  нақлиёти мавриди истифодаи интиқоли моли байналмилалӣ истифодашаванда  (автомобилӣ, дарёӣ, ҳавоӣ, роҳи оҳан, қубурӣ ва хати интиқоли барқ);<br>
3) ҳангоми интиқоли  намудҳои алоҳидаи мол аз сарҳади гумрукӣ, ки нисбати онҳо вайронкунии қонунгузории  гумрукӣ муттасил ба қайд гирифта шудааст ё мутобиқи санадҳои меъёрии ҳуқуқии Ҷумҳурии  Тоҷикистон мамнўият ва маҳдудият муқаррар гардидааст;<br>
4) ҳангоми зарурати  назорати махсуси моли алоҳидаи дорои объекти моликияти зеҳнӣ (интеллектуалӣ)  тибқи номгўи муқаррарнамудаи Ҳукумати Ҷумҳурии Тоҷикистон. <br>
3. Дар сурати пешниҳоди  декларатсияи гумрукӣ ба мақоми дигари гумрук, ки қисми 2 моддаи 125 КГҶТ муайян  намудааст, декларатсияи гумрукӣ дар рўзи пешниҳод аз ҷониби мақоми гумрукие, ки  декларатсияи гумрукиро гирифтааст, ба мақомоти гумрукии дахлдор фиристода  мешавад. <br>
Мўҳлати қабули  декларатсияи гумрукӣ (моддаи 132 КГҶТ) дар чунин ҳолат ба мўҳлате тамдид  мегардад, ки барои ирсоли он зарур аст, вале набояд аз ду рўзи корӣ зиёд бошад. <br>
Санадҳои меъёрии ҳуқуқии мақоми ваколатдор  оид ба масъалаҳои фаъолияти гумрукӣ, ки ҷойи декларатсияи баъзе навъҳои молро  муайян кардааст, тибқи моддаи 4 КГҶТ эътибори қонунӣ пайдо мекунанд. <br>
Дар Тоҷикистон ба сифати декларант шахсони  дар моддаи 15 КГҶТ зикргардида, инчунин дигар шахсоне, ки тибқи қонунгузории  граждании Ҷумҳурии Тоҷикистон дар қаламрави гумрукии Ҷумҳурии Тоҷикистон бо  риояи муқаррароти қисми 2 моддаи 126 КГҶТ ҳуқуқи ихтиёрдории молро доранд,  метавонанд баромад намоянд. Танҳо шахси ватанӣ декларант буда метавонад, ба  истиснои ҳолатҳои интиқоли мол аз сарҳади гумрукӣ:<br>
1) аз ҷониби шахсони  воқеӣ барои истифодаи шахсӣ, оилавӣ, хонаводагӣ ва дигар эҳтиёҷоте, ки ба  фаъолияти соҳибкорӣ марбут нест;<br>
2) аз ҷониби шахсони  хориҷие, ки аз имтиёзҳои гумрукӣ тибқи боби 39 КГҶТ истифода мебаранд;<br>
3) аз ҷониби ташкилотҳои  хориҷие, ки намояндагиашон дар қаламрави гумрукии Ҷумҳурии Тоҷикистон тибқи  тартиби муқарраргардида ба қайд гирифта (аккредитатсия) шудаанд, ҳангоми ариза  ба мақоми гумрук таҳти низомҳои гумрукии воридоти муваққатӣ, реэкспорт, транзит,  инчунин низоми гумрукии иҷозат барои муомилоти озоди мол, ки барои истифодаи  шахсии ҳамин намояндагиҳо ворид карда мешаванд;<br>
4) аз ҷониби интиқолдиҳандагони  хориҷӣ ҳангоми арзи низоми гумрукии транзит;<br>
5) дигар ҳолатҳое, ки  шахси хориҷӣ барои ихтиёрдории мол дар қаламрави гумрукии Ҷумҳурии Тоҷикистон  берун аз доираи муомилоти иқтисодии хориҷӣ ҳуқуқ дорад ва яке аз тарафҳои он  шахси ватанӣ мебошад. <br>
Ҳангоми  декларатсияи мол ва иҷрои дигар амалҳои гумрукӣ, ки барои иҷозати мол зуруранд,  декларант ҳуқуқ дорад:<br>
1) моли  декларатсияшавандаро аз ҷумла то пешниҳоди декларатсияи гумрукӣ аз назар  гузаронад ва онҳоро чен кунад;<br>
2) бо иҷозати мақоми  гумрук чошнӣ ва намунаи моли декларатсияшавандаи ба қаламрави гумрукии Ҷумҳурии  Тоҷикистон воридшавандаро гирад. Декларатсияи гумрукии алоҳида барои гирифтани  чошнӣ ва намунаи мол ба шарте пешниҳод карда намешавад, ки агар чунин чошнӣ ва  намуна дар декларатсияи гумрукии мол нишон дода шаванд;<br>
3) ҳангоми  азназаргузаронии моли декларатсияшаванда (моддаҳои 412 ва 413 КГҶТ), дар сурати  аз ҷониби шахси мансабдори мақоми гумрук гирифтани чошнӣ ва намунаи мол иштирок  кунад (моддаи 424 КГҶТ);<br>
4) бо натиҷаҳои тадқиқотҳои  дар мақоми гумрук мавҷудаи чошнӣ ва намунаи моли декларатсияшавандаи худ шинос  шавад;<br>
5) барои декларатсия кардани  мол дар шакли ҳуҷҷатҳои электронӣ ҳуҷҷатҳо ва маълумоти заруриро тибқи КГҶТ  пешниҳод намояд;<br>
6) аз дигар ваколатҳо  ва ҳуқуқҳои пешбининамудаи КГҶТ истифода барад. <br>
Ҳангоми декларатсия  кардани мол ва анҷом додани дигар расмиёти гумрукӣ декларант вазифадор аст:<br>
1) ба мақоми гумрук  декларатсияи гумрукӣ, маълумот ва ҳуҷҷатҳои заруриро пешниҳод намояд (моддаи  131 КГҶТ); <br>
2) бо талаби мақоми  гумрук моли декларатсияшавандаро пешниҳод намояд; <br>
3) тибқи фасли 3 КГҶТ  боҷҳои гумрукӣ ва андозро пардозад ё пардохти онҳоро таъмин намояд. <br>
Дар Тоҷикистон бо хоҳиши декларант моли  мухталифи як партия метавонад бо нишон додани як коди таснифотии Номгўи молҳои  фаъолияти иқтисодии хориҷӣ декларатсия карда шавад, ба шарте агар ба ин коди  таснифотӣ мувофиқат кунанд: <br>
1) ставкаи нисбатан  баланди боҷҳои гумрукӣ;<br>
2) ставкаи нисбатан  баланди аксизи гумрукӣ;<br>
3) ставкаи нисбатан  баланди андоз аз арзиши изофашуда;<br>
4) коди ин мол ба сатҳи  4 рақами аввал мувофиқат кунад. <br>
Маълумот дар бораи  номгўй ва теъдоди моли як партия аз ҷониби декларант бо роҳи пешниҳоди рўйхати  мол арз карда мешавад. Ба сифати чунин рўйхат шарҳи номнависи (спетсификатсияи)  бор, варақаи бастабандӣ, рўйихат ва дигар ҳуҷҷатҳои шабеҳ истифода бурда  мешавад. Барои мақсадҳои гумрукӣ рўйхати мол ба сифати қисми таркибии  декларатсияи гумрукӣ баррасӣ карда мешавад. <br>
Бояд қайд намоем, ки  агар нисбати яке аз моли дар як партия мавҷуда тибқи санадҳои меъёрии ҳуқуқии Ҷумҳурии  Тоҷикистон маҳдудият муқаррар шуда бошад, декларатсияи чунин мол бо зикри як  коди таснифотӣ мувофиқи Номгўи молҳои фаъолияти иқтисодии хориҷӣ декларантро аз  риояи чунин маҳдудият озод намекунад. <br>
Бо мақсади санҷиши  риояи муқаррароти қисми 3 моддаи 128 КГҶТ мақоми гумрук ҳуқуқ дорад аз  декларант пешниҳоди маълумоти аниқкунандаи баъзе моли декларатсияшавандаро  талаб кунад. <br>
Декларатсияи гумрукии  моли ба қаламрави гумрукии Ҷумҳурии Тоҷикистон воридшаванда, ба истиснои ҳолатҳои  пешбининамудаи моддаҳои 150, 309 ва 316 КГҶТ, дар мўҳлати на дертар аз 15 рўзи  баъди пешниҳоди мол ба мақоми гумруки маҳали расидани он ба қаламрави гумрукии Ҷумҳурии  Тоҷикистон ё аз рўзи анҷоми транзити дохилии гумрукӣ пешниҳод карда мешавад,  агар  мол дар маҳали расидани он  декларатсия карда нашуда бошад. <br>
Агар мўҳлати дар қисми  1 моддаи 129 КГҶТ зикршуда барои ҷамъоварии ҳуҷҷатҳо ва маълумот барои  декларант нокифоя бошад, бо муроҷиатномаи асосноки декларант мақоми гумрук мўҳлати  пешниҳоди декларатсияи гумрукиро тамдид мекунад. Тамдиди мўҳлати пешниҳоди  декларатсияи гумрукӣ бояд боиси вайрон кардани мўҳлати нигаҳдории муваққатии  мол нагардад. <br>
Инчунин агар анҷоми  мўҳлати пешниҳоди декларатсияи гумрукӣ ба рўзи ғайрикории мақоми гумрук рост  ояд, рўзи анҷоми ин мўҳлат рўзи минбаъдаи кории мақоми гумрук ҳисобида мешавад. <br>
Декларатсияи гумрукӣ  барои моли аз қаламрави гумрукии Ҷумҳурии Тоҷикистон содиршаванда, ба истиснои ҳолатҳои  муқаррарнамудаи моддаи 336 КГҶТ, то баровардани онҳо аз қаламрави гумрукии Ҷумҳурии  Тоҷикистон пешниҳод карда мешавад. <br>
Дар ин раванд декларатсияи пешакии мол       ҷои махсусро ишғол менамояд.<strong> </strong>        Декларатсияи  гумрукии моли хориҷӣ метавонад то лаҳзаи расидани он ба қаламрави гумрукии Ҷумҳурии  Тоҷикистон ё то анҷоми транзити дохилии гумрукӣ пешниҳод карда шавад. Агар  барои мақсадҳои гумрукӣ истифодаи ҳуҷҷатҳои нақлиётӣ (борбарӣ) ё тиҷоратии  мушоияткунандаи мол зарур бошад, мақоми гумрук ҳангоми декларатсияи пешакии мол  нусхаи ин ҳуҷҷатҳои тасдиқнамудаи декларантро мегирад ва ҳангоми зарурат, баъди  расидани мол ба қаламрави гумрукии Ҷумҳурии Тоҷикистон маълумоти дар нусхаи ҳуҷҷатҳои  мазкур мавҷударо бо маълумоти нусхаҳои асл муқоиса менамояд. <br>
Баъди анҷоми санҷиши декларатсияи гумрукӣ  ва пардохти маблағи боҷҳои гумрукӣ ва андоз то расидани мол ба қаламрави  гумрукии Ҷумҳурии Тоҷикистон чунин декларатсияи гумрукӣ метавонад ба сифати ҳуҷҷати  ягона ҷиҳати истифодаи расмиёти гумрукӣ нисбати ин мол истифода гардад. <br>
Агар мол ба мақоми  гумруки декларатсияи гумрукиро қабулкарда тибқи қисми 1 моддаи 130 КГҶТ дар  давоми 15 рўзи қабули он пешниҳод нашавад, декларатсияи гумрукӣ пешниҳоднашуда  ба ҳисоб меравад. <br>
Декларатсияи бори гумрукӣ ба мақоми гумрук  бояд ҳамзамон бо пешниҳоди нусхаи электронӣ ва ҳуҷҷатҳои барои мақсади гумрукӣ  зарурии пешбининамудаи ҳамин модда пешниҳод карда шавад. <br>
Шакли нусхаи  электронии декларатсияи бори гумрукиро мақоми ваколатдор оид ба масъалаҳои  фаъолияти гумрукӣ муайян менамояд. <br>
Декларант метавонад  нусхаи ҳуҷҷати тасдиқкунандаи маълумоти арзшударо дар асоси ўҳдадорӣ ҷиҳати  пешниҳоди ҳуҷҷати дахлдор ба мақоми гумрук дар мўҳлати санҷиши декларатсияи  гумрукӣ пешниҳод намояд, агар чунин ҳуҷҷат барои қабули қарор дар бораи иҷозати  додани мол ҳатмӣ бошад. <br>
Агар пешниҳоди ҳуҷҷатҳои  алоҳида дар мўҳлати зикргардида имконнопазир бошад, дар асоси аризаи асосноки  декларант мақомоти гумрук иҷозат медиҳанд нусхаи онҳо бо пешниҳоди минбаъдаи ҳуҷҷатҳо  дар мўҳлати барои ҷамъоварии онҳо зарурӣ, вале на дертар аз 30 рўзи тақвимии  баъди бақайдгирии декларатсияи гумрукӣ манзур карда шаванд. Декларант барои  пешниҳод накардани ҳуҷҷатҳо дар мўҳлати муқарраршуда ё нишон додани маълумоти  носаҳеҳ дар нусхаи ҳуҷҷатҳои қаблан пешниҳоднамуда масъул мебошад. <br>
Агар ба мақоми гумрук  пештар ҳуҷҷатҳое пешниҳод шуда бошанд, ки тибқи онҳо барасмиятдарории гумрукии  маҷмўи минбаъдаи мол сурат гирифтааст, дар ин ҳолат пешниҳоди нусхаи чунин ҳуҷҷатҳо  кифоя аст. <br>
Ба ғайр аз ин агар  дар коргузории мақоми гумрук ҳуҷҷатҳое боқӣ монанд, ки барои қабули қарор ҷиҳати  иҷозат додани мол заруранд, мақоми гумрук барои декларант дар нусхаи ин ҳуҷҷатҳо  бо зикри мақоми гумруке, ки дар он ин ҳуҷҷатҳо нигоҳ дошта мешаванд, сабти  дахлдор мегузорад. Ин сабт бо мўҳри дорои рақами шахсии шахси мансабдори мақоми  гумрук тасдиқ карда мешавад. <br>
Дар Тоҷикистон қарордод,  ҳисобнома–фактураҳо (инвойсҳо), ҳуҷҷатҳои нақлиётӣ, ҳуҷҷатҳои тасдиқкунандаи  пардохти боҷҳои гумрукӣ ва андоз баъди иҷозати мол бояд ба декларант  баргардонида шаванд ва онҳо дар давоми се соли бақайдгирии декларатсияи бори  гумрукӣ нигоҳ дошта мешаванд. <br>
Пешниҳоди  декларатсияи бори гумрукӣ бояд ҳамзамон бо пешниҳоди ҳуҷҷатҳои барои мақоми  гумрук зарурӣ, ки дар асоси онҳо декларатсияи бори гумрукӣ пур карда шуда, инҳоро  тасдиқ менамояд, сурат гирад:<br>
1) ваколати декларант  барои пешниҳоди декларатсияи бори гумрукӣ аз номи худаш, - ваколатнома ба шахси  воқеии дар штати декларант қарордошта ё шартнома барои хизматрасонии брокерӣ ва  гувоҳномаи тахассусии мутахассиси барасмиятдарории гумрукӣ;<br>
2) ҳуқуқи соҳибӣ,  ихтиёрдорӣ ё истифодабарии моли таҳти барасмиятдарории гумрукӣ қарордошта, -  шартномаи (қарордоди) тиҷорати хориҷии хариду фурўш ё мубодила (мена),  созишнома ё ҳуҷҷати дигар барои ҳуқуқи ихтиёрдорӣ ё истифодабарии моли таҳти  барасмиятдарории гумрукӣ қарордошта;<br>
3) интиқоли мол аз  сарҳади гумрукии Ҷумҳурии Тоҷикистон, - ҳуҷҷатҳои нақлиётӣ;<br>
4) арзиши гумрукии  мол, - ҳисобнома - фактура (инвойс), ҳисобнома - проформа, шарҳи номнависӣ  (спетсификатсия) ва дигар ҳуҷҷатҳои барои арз пешбининамуда ва муайян кардани  арзиши гумрукии мол мутобиқи КГҶТ;<br>
5) маҳали истеҳсоли  мол - декларатсия ё сертификати маҳали истеҳсоли мол мутобиқи КГҶТ;<br>
6) пардохт ё таъмини  пардохти боҷҳои гумрукӣ ва андоз вобаста ба шароити низоми гумрукӣ ва мавҷудияти  имтиёз оид ба пардохти боҷҳои гумрукӣ ва андоз:<br>
- супоришномаи  пардохт бо қайди бонк дар бораи иҷрои пардохти ғайринақдӣ ё квитансия ба ордери  мадохилоти кассавии мақоми гумрук, бонк - ҳангоми пардохт бо пули нақд;<br>
- ҳуҷҷатҳои тасдиқкунандаи  таъмини пардохтҳои боҷҳои гумрукӣ ва андоз мутобиқи КГҶТ;<br>
7) расонидани мол ба  маҳали таъинот, - декларатсияи транзитии пешбининамудаи КГҶТ ё бо ҳуҷҷатҳои  дигари мутобиқи санадҳои ҳуқуқии байналмилалии эътирофнамудаи Ҷумҳурии Тоҷикистон;<br>
8) риояи мамнўият ва  маҳдудиятҳои муқаррарнамудаи санадҳои меъёрии ҳуқуқии Ҷумҳурии Тоҷикистон, - ҳуҷҷатҳои  тасдиқкунандаи риояи мамнўият ва маҳдудиятҳои муқаррарнамудаи санадҳои меъёрии ҳуқуқии  Ҷумҳурии Тоҷикистон, <br>
9) мувофиқат ба  талаботи ҳатмии стандартҳо ҳангоми воридоти мол, сарфи назар аз низомҳои  гумрукии арзшавандаи сертификатҳо. Сертификатҳо танҳо дар ҳолатҳои нисбати мол  муқаррарнамудаи санадҳои меъёрии ҳуқуқии Ҷумҳурии Тоҷикистон, ки пешниҳоди  сертификат барояшон ҳатмист, пешниҳод карда мешаванд;<br>
10) гувоҳномаи бақайдгирӣ  дар мақомоти андози Ҷумҳурии Тоҷикистон. <br>
Бояд қайд намоем, ки  тибқи талаботи низомҳои гумрукии интихобшуда иловатан ба ҳуҷҷатҳои асосии дар қисми  5 моддаи 131 КГҶТ зикршуда мувофиқи тартиби муайяннамудаи мақоми ваколатдор оид  ба масъалаҳои фаъолияти гумрукӣ дигар ҳуҷҷатҳои барои мақсадҳои гумрукӣ зарурӣ  пешниҳод карда мешаванд. <br>
Агар декларант  довталаби имтиёзи пардохти боҷҳои гумрукӣ ва андоз, аз ҷумла ҳангоми арзи  низоми гумрукие, ки низоми гумрукии пурра ё қисман озод намудан аз пардохти боҷҳои  гумрукӣ ва андоз, нисбати мол истифода набурдани мамнўият ва маҳдудияти тибқи  санадҳои меъёрии ҳуқуқии Ҷумҳурии Тоҷикистон муқарраргардида ё кам кардани  заминаи андоз бошад, ў вазифадор аст ба мақоми гумрук ҳуҷҷатҳои дахлдори тасдиқкунандаи  шартҳои арзро пешниҳод намояд. <br>
Бо мақсади тасдиқи  арзиши гумрукии арзшуда декларант вазифадор аст ҳуҷҷатҳои асосноккунандаи  арзиши гумрукии арзшуда ва усули барои муайян намудани арзиши гумрукӣ  интихобнамудаашро пешниҳод кунад. Агар пешниҳоди ҳуҷҷатҳои алоҳида ҳамзамон бо  декларатсияи гумрукӣ имконнопазир бошад, бо муроҷиатномаи асосноки декларант мақоми  гумрук дар шакли хаттӣ барои пешниҳоди ин ҳуҷҷатҳо дар мўҳлати барои ҷамъоварии  онҳо зарурӣ, аммо на дертар аз 45 рўзи баъди қабули декларатсияи гумрукӣ иҷозат  медиҳад, агар дар КГҶТ мўҳлати дигари пешниҳоди ҳуҷҷатҳои алоҳида ва маълумот  пешбинӣ нашуда бошад. Декларант дар шакли хаттӣ оид ба пешниҳоди ҳуҷҷатҳо дар  мўҳлати муайяншуда ўҳдадорӣ манзур медорад. <br>
Дар ҳолати ба мақоми  гумрук пешниҳод намудани ҳуҷҷатҳое, ки метавонанд ҳангоми барасмиятдарории  гумрукии дигар мол истифода гарданд, бо дархости декларант мақоми гумрук оид ба  қабули ҳуҷҷатҳо тибқи намунаи муайяннамудаи мақоми ваколатдор оид ба масъалаҳои  фаъолияти гумрукӣ тасдиқномаи хаттӣ медиҳад. Тасдиқнома то дохил намудани тағйирот  ба ҳуҷҷатҳои пешниҳодшуда ё то гузаштани мўҳлати амали он эътибор дорад. Тасдиқномаи  мазкурро декларант метавонад ҳангоми барасмиятдарории гумрукии мол, бидуни  пешниҳоди иловагии ҳуҷҷатҳои қабулкардаи мақоми гумрук истифода барад. Декларант  ҳуқуқ дорад ҳуҷҷатҳои мазкурро то пешниҳоди декларатсияи гумрукӣ манзур дорад. <br>
Далели пешниҳоди декларатсияи гумрукӣ ва  манзур доштани ҳуҷҷатҳои зарурӣ дар рўзи гирифтани онҳо аз ҷониби мақоми гумрук  сабт мегардад. Мақоми гумрук бо дархости шахси пешниҳодкардаи декларатсияи  гумрукӣ дар бораи гирифтани декларатсияи гумрукӣ ва пешниҳоди ҳуҷҷатҳои зарурӣ  (аз ҷумла дар шакли ҳуҷҷати электронӣ) бетаъхир тасдиқнома медиҳад. <br>
Мақоми гумрук  декларатсияи гумрукии пешниҳодшударо дар рўзи расидани он қабул менамояд, ба  истиснои ҳолатҳое, ки агар:<br>
1) декларатсияи  гумрукӣ ба мақоми гумруке пешниҳод шуда бошад, ки ҳуқуқи қабули декларатсияи  гумрукиро надорад;<br>
2) декларатсияи  гумрукӣ аз ҷониби шахсе пешниҳод шуда бошад, ки ба ин кор ваколатдор набошад;<br>
3) дар декларатсияи  гумрукӣ маълумоти зарурӣ зикр нашуда бошад (моддаи 124 КГҶТ);<br>
4) декларатсияи  гумрукӣ имзо нашуда бошад ё ба таври зарурӣ тасдиқ нашуда бошад ё мувофиқи  шакли муқарраршуда таҳия нагардида бошад;<br>
5) ҳангоми пешниҳоди  декларатсияи гумрукӣ ҳуҷҷатҳои барои барасмиятдарории гумрукӣ зарурӣ пешниҳод  нашуда бошанд, ба истиснои ҳуҷҷатҳое, ки метавонанд баъди қабули декларатсияи  гумрукӣ мутобиқи қисми 9 моддаи 131 КГҶТ пешниҳод карда шаванд;<br>
6) нисбати моли  декларатсияшаванда амале, ки бояд мутобиқи КГҶТ пеш аз пешниҳод ё ҳамзамон бо  пешниҳоди декларатсияи гумрукӣ анҷом дода шавад, сурат нагирифта бошад. <br>
Декларатсияи гумрукӣ  аз лаҳзаи қабул ҳамчун ҳуҷҷати тасдиқкунандаи далели дорои аҳамияти ҳуқуқӣ  эътибор пайдо мекунад.  Агар декларатсияи  гумрукӣ аз ҷониби мақоми гумрук қабул нашуда бошад, чунин декларатсия барои мақсади  гумрукӣ пешниҳоднашуда дониста мешавад. <br>
Мақоми гумрук сабабҳои  қабул накардани декларатсияи гумрукиро ба шахси пешниҳодкунандаи декларатсия на  дертар аз рўзи дигари пешниҳод шудани декларатсияи гумрукӣ огоҳ менамояд. Бо  дархости шахси пешниҳодкунандаи декларатсияи гумрукӣ чунин огоҳинома дар шакли  хаттӣ манзур мегардад.<br>
Яке аз масъалаҳои ҳалталаб ин ворид  намудани тағйиру иловаҳо ба маълумоти дар декларатсияи гумрукии арзшуда      ба ҳисоб меравад. Аз ин рў бо дархости  асосноки хаттии декларант ба маълумоти қаблан дар декларатсияи гумрукии қабулшуда  арзнамудаи ў тағйиру иловаҳо ворид кардан мумкин аст. <br>
Тағйиру иловаҳо ба  маълумоти дар декларатсияи гумрукии қабулгардида арзшуда бо иҷозати мақоми гумрук  зимни риояи шартҳои зерин имконпазир аст:<br>
1) агар мақоми гумрук  дар лаҳзаи гирифтани дархости декларант носаҳеҳии маълумоти дар декларатсияи  гумрукӣ зикршударо муайян накарда бошад, ба истиснои ҳолати ошкорсозии носаҳеҳиҳое,  ки ба қабули қарор дар бораи иҷозати мол таъсир намерасонанд; <br>
2) агар мақоми гумрук  то лаҳзаи гирифтани дархости декларант санҷиши молро оғоз накарда бошад;<br>
3) агар тағйиру иловаҳои  воридшаванда ба қабули қарор дар бораи додани иҷозат ба мол таъсир нарасонанд  ва боиси зарурати тағйир додани маълумоте нагарданд, ки ба муайян кардани  андозаи маблағи пардохти боҷҳои гумрукӣ ва истифодаи мамнўияту маҳдудиятҳои тибқи  санадҳои меъёрии ҳуқуқии Ҷумҳурии Тоҷикистон муқарраршуда таъсир расонанд. <br>
3. Шахсони мансабдори  мақомоти гумрук ҳуқуқ надоранд бо ташаббуси худ ё супориш ё хоҳиши шахсони  манфиатдор декларатсияи гумрукиро пур кунанд, тағйир диҳанд ё маълумоти дар  декларатсияи гумрукӣ арзшударо пурра кунанд, ба истиснои ворид намудани танҳо  он маълумоте, ки таҳти салоҳияти мақомоти гумрук қарор дорад, инчунин тағйир  додан ё пурра кардани маълумоти кодгузоришудае, ки барои коркарди мошинӣ  истифода мешавад, ба шарте агар чунин маълумот дар шакли кодгузоринашуда дар  декларатсияи гумрукӣ мавҷуд бошад. <br>
Тибқи муроҷиати хаттии декларант  декларатсияи гумрукии қабулшуда барои моли хориҷӣ мумкин аст аз ҷониби ў пеш аз  додани иҷозат ба чунин мол барои арз таҳти низоми дигари гумрукӣ бозхонда  шавад. Бозхондани декларатсияи гумрукӣ бо иҷозати хаттии мақоми гумрук  имконпазир аст, агар пеш аз гирифтани ин дархост мақоми гумрук носаҳеҳии  маълумоти дар декларатсияи гумрукӣ зикршударо муайян накарда бошад, ба истиснои  ҳолати ошкор шудани носаҳеҳиҳое, ки ба қабули қарор дар бораи додани иҷозат ба  мол таъсир намерасонад. <br>
Ҳангоми додани иҷозат  барои бозхондани декларатсияи гумрукӣ мақоми гумрук барои пешниҳоди  декларатсияи гумрукии нав мўҳлат муайян мекунад ва ин мўҳлат наметавонад аз  рўзи додани иҷозати бозхонд бештар аз 15 рўз бошад. Бозхондани декларатсияи  гумрукӣ барои дароз кардани мўҳлати пардохти боҷҳои гумрукӣ ва андоз асос шуда  наметавонад. <br>
Бояд қайд намоем, ки  тибқи муроҷиати хаттии декларант декларатсияи гумрукии қабулшуда барои моли  ватанӣ, ки аз қаламрави гумрукии Ҷумҳурии Тоҷикистон содир карда мешавад,  мумкин аст аз ҷониби вай сарфи назар аз мақсади чунин бозхонд, қабл аз  баровардани мол аз қаламрави гумрукии Ҷумҳурии Тоҷикистон, аз ҷумла, баъди  додани иҷозати ҷойгиркунии мол таҳти низоми гумрукии арзшуда бозхоста шавад. <br>
Бозхондани  декларатсияи гумрукӣ бо иҷозати хаттии мақоми гумрук иҷозат дода мешавад, ба  шарте агар мақоми гумрук то гирифтани дархости декларант носаҳеҳии маълумоти  дар декларатсияи гумрукӣ зикршударо муайян накарда бошад, ба истиснои ҳолати  ошкорсозии носаҳеҳиҳое, ки ба қабули қарор дар бораи ҷойгиркунии мол таҳти  низоми гумрукии арзшуда таъсир намерасонанд. Ба ин мол барои пешниҳоди  декларатсияи гумрукии нав мўҳлат муқаррар намегардад. <br>
Бояд муайян намоем,  ки агар декларант бинобар сабабҳои ба ў вобастанабуда барои пур кардани  декларатсияи гумрукӣ дорои маълумоти зарурӣ набошад, мақоми гумрук метавонад ба  пешниҳоди декларатсияи гумрукии нопурра иҷозат диҳад, ба шарте агар дар он  барои иҷозат додани мол, ҳисоб ва супурдани пардохтҳои гумрукӣ, тасдиқкунандаи  риояи маҳдудиятҳо мувофиқи санадҳои меъёрии ҳуқуқии Ҷумҳурии Тоҷикистон муқарраршуда,  инчунин имкондиҳандаи ҳаммонандсозии мол тибқи маҷмўи хусусиятҳои миқдорӣ ва  сифатӣ маълумоти зарурӣ дарҷ шуда бошад. <br>
Декларант ҳангоми  пешниҳоди декларатсияи гумрукии нопурра дар шакли хаттӣ ўҳдадорӣ ба зимма  мегирад, ки маълумоти нокифояро дар мўҳлати муайяннамудаи мақоми гумрук пурра  хоҳад кард ва ин муддат наметавонад аз рўзи қабули декларатсияи гумрукии  нопурра аз ҷониби мақоми гумрук бештар аз 45 рўз бошад. <br>
Инчунин агар мақоми  гумрук декларатсияи гумрукии нопурраро қабул кунад, дар ин сурат ҳамон талабот  ва шартҳои қонунгузории гумруки Ҷумҳурии Тоҷикистон, аз ҷумла тартиби ҳисоб ва  супурдани пардохтҳои гумрукие истифода мегардад, ки дар ҳолатҳои пешниҳоди  ибтидоии декларатсияи гумрукии пурра ва ба таври дахлдор пуркардашуда истифода  бурда шудааст. <br>
Дар ин раванд инчунин декларатсияи  гумрукии    даврӣ      истифода бурда мешавад.  Аз ин рў ҳангоми интиқоли мунтазами ҳамон як мол аз ҷониби ҳамон як шахс мақоми  гумрук ҳуқуқ дорад барои пешниҳоди декларатсияи гумрукии даврӣ ба ҳама моли аз  сарҳади гумрукии Ҷумҳурии Тоҷикистон дар давраи муайян интиқолшаванда иҷозат диҳад. <br>
Мол метавонад ҳамчун ҳамон  як мол баррасӣ шавад, агар он мувофиқи Номгўи молҳои фаъолияти иқтисодии хориҷӣ  коди таснифотии якхела дошта бошад.   Инчунин мол ҳангоме ҳамчун мунтазам аз ҷониби ҳамон як шахс аз сарҳади  гумрукии Ҷумҳурии Тоҷикистон интиқолёбанда ҳисобида мешавад, ки агар ҳамон як  шахс дар давоми 30 рўзи тақвимӣ расонидани як Номгўи молҳоро 3 маротиба ё  бештар анҷом диҳад. <br>
4.   Барои мақсади гумрукӣ чун маҷмўи ягона (партия)  ҳамон як моле баррасӣ карда мешавад, ки аз як нуқтаи гузаргоҳ интиқол ёфта,  барасмиятдарории гумрукии он дар ҳамон як мақоми гумрук, дар давоми 30 рўзи тақвимӣ,  тибқи як шартномаи (қарордоди) тиҷорати хориҷӣ, сарфи назар аз теъдоди  молрасонии алоҳида, анҷом дода мешавад.          Боҷҳо  ва андозҳои гумрукӣ то қабули декларатсияи даврии гумрукӣ ё дар рўзи қабули он  пардохта мешаванд. <br>
Ҳангоми барасмиятдарории мол бо истифодаи  расмиёти даврии декларатсия санадҳои меъёрии ҳуқуқии Ҷумҳурии Тоҷикистон, ки  дар рўзи аз ҷониби мақомоти гумрук қабул кардани декларатсияи даврии гумрукӣ  амал мекунанд, истифода бурда мешаванд. <br>
Декларатсияи даврӣ бо  роҳи пешниҳоди декларатсияи даврии гумрукӣ то оғози давраи расидани мол  (воридот ё содирот) амалӣ мешавад. Зимнан декларатсияи гумрукии даврӣ барои маҷмўи  ягонаи мол пур карда мешавад. Дар давоми 10 рўзи тақвимии баъди анҷоми давраи  молрасонӣ, ки дар ҷараёни он интиқоли мол бо истифодаи расмиёти декларатсияи  даврӣ сурат гирифтааст, декларатсияи пурраи гумрукии бор бо назардошти миқдори  воқеии моли ворид ва содиршуда пешниҳод карда мешавад. <br>
Агар воридоти мол дар  ҳаҷме, ки аз ҳаҷми дар декларатсияи гумрукии даврӣ зикргардида фарқ кунад,  декларатсияи пурраи гумрукии бор бо назардошти миқдори воқеии бори воридшуда  пур карда мешавад. Дар ин сурат декларатсияи даврии гумрукӣ барои давраҳои  минбаъдаи молрасонӣ бо назардошти ин тағйирот пур карда мешавад. Тартиби  барасмиятдарории гумрукии мол бо истифодаи декларатсияи даврии гумрукӣ аз ҷониби  мақоми ваколатдор оид ба масъалаҳои фаъолияти гумрукӣ муайян карда мешавад. <br>
Ҳангоми содир намудани моли ватанӣ аз қаламрави  гумрукии Ҷумҳурии Тоҷикистон бо хоҳиши декларант тартиби соддагардонидашудаи  декларатсия тибқи моддаҳои 135, 136 ва 138 КГҶТ истифода бурда мешавад. <br>
Тартиби  соддагардонидашудаи декларатсия кардани моли ватанӣ дар сурате истифода  мешавад, ки агар он ба назорати гумрукӣ мамоният накунад ва декларантро аз  риояи талабот ва шартҳои муқаррарнамудаи КГҶТ ва дигар санадҳои меъёрии ҳуқуқии  Ҷумҳурии Тоҷикистон, аз ҷумла дар бобати пурра ва саривақт пардохтани боҷҳои  гумрукӣ ва андоз, риояи мамнўият ва маҳдудияти муқаррар намудаи санадҳои  меъёрии ҳуқуқии Ҷумҳурии Тоҷикистон, инчунин риояи низоми гумрукии муайяншуда  озод нанамояд. <br>
Дар сурати аз ҷониби  мақоми гумрук рад намудани истифодаи тартиби соддагардонидашудаи декларатсияи  моли ватанӣ мақоми гумрук дар ин бора декларантро тибқи қисми 5 моддаи 132 КГҶТ,  бо зикри шартҳое, ки барои татбиқи ин тартиб заруранд, огоҳ месозад. <br>
Моле, ки тавассути  хати қубур ва бо хати барқ интиқол меёбад, тибқи тартиби муайяннамудаи боби 40 ҳамин  Кодекс декларатсия карда мешавад. <br>
Инчунин ҳангоми содироти моли ватанӣ аз қаламрави  Ҷумҳурии Тоҷикистон, ки нисбаташ барои барасмиятдарории гумрукӣ имконияти пешниҳоди  маълумоти аниқ вуҷуд надорад, бо тартиби маъмулии тиҷорати хориҷӣ  декларатсикунонии муваққатии даврии мол бо роҳи пешниҳоди декларатсияи муваққатӣ  иҷозат дода мешавад. <br>
Баъди баровардани моли ватанӣ аз қаламрави  гумрукии Ҷумҳурии Тоҷикистон декларант вазифадор аст декларатсияи гумрукии  пурра ва ба таври дахлдор пуркардашударо ба ҳама моли ватании дар давоми мўҳлати  муайян интиқолдодашуда пешниҳод намояд.   Декларатсияи гумрукии пурра ва ба таври дахлдор пуркардашуда, дар мўҳлати  муқаррарнамудаи мақоми гумрук тибқи аризаи декларант пешниҳод карда мешавад. Ҳангоми  муқаррар намудани чунин мўҳлат, мўҳлате, ки ба декларант ҷиҳати гирифтани  маълумоти барои декларатсияи гумрукии пурра ва ба таври дахлдор пуркардашуда  зарурӣ ба инобат гирифта мешавад. Мўҳлати ниҳоии пешниҳоди декларатсияи  гумрукии пурра ва ба таври дахлдор пуркардашуда аз рўзи дигари тамом шудани мўҳлати  баровардани моли декларатсияшуда 90 рўзро ташкил медиҳад. <br>
Мўҳлате, ки дар тўли  он эҳтимоли баровардани моли декларатсияшавандаи ватанӣ бо истифодаи  декларатсияи гумрукии муваққатӣ сурат мегирад, аз ҷониби декларант муайян карда  мешавад. Ин давра нисбати моли ватание, ки таҳти андозбандии содиротӣ қарор  мегирад ё нисбат ба он мамнўият ва маҳдудиятҳои муқаррарнамудаи санадҳои  меъёрии ҳуқуқии Ҷумҳурии Тоҷикистон истифода мешавад, наметавонад аз як моҳи тақвимӣ  зиёд бошад, вале декларатсияи гумрукии муваққатӣ дар мўҳлати на бештар аз 15  рўз то оғози ин давра аз ҷониби мақоми гумрук қабул карда мешавад. <br>
Дар декларатсияи  гумрукии муваққатӣ арзи маълумот бо назардошти нияти содироти миқдори эҳтимолии  моли ватанӣ дар давоми мўҳлати муайян, арзиши гумрукии шартӣ (нарх), ки тибқи  нақшаи интиқоли миқдори моли ватанӣ аз сарҳади гумрукӣ, инчунин вобаста ба шартҳои  пешбининамудаи аҳди фаъолияти иқтисоди хориҷӣ хусусияти истеъмолии моли ватанӣ  ва тартиби муайян кардани нархи онҳо дар рўзи пешниҳоди декларатсияи гумрукии  муваққатӣ муайян мегардад, иҷозат дода мешавад. <br>
Баровардани моли  ватанӣ аз қаламрави гумрукии Ҷумҳурии Тоҷикистон бештар аз миқдори дар  декларатсияи гумрукии муваққатӣ арзшуда, ба истиснои ҳолатҳои муқаррарнамудаи қисмҳои  1 ва 2 моддаи 122 КГҶТ, иҷозат дода намешавад. <br>
Ҳангоми истифодаи  декларатсияи гумрукии муваққатӣ мамнўият ва маҳдудиятҳои дорои хусусияти иқтисодии  муқаррарнамудаи санадҳои меъёрии ҳуқуқии Ҷумҳурии Тоҷикистон дар рўзи аз тарафи  мақоми гумрук қабул намудани ин декларатсия истифода бурда мешаванд. Ставкаҳои  боҷҳои воридотӣ дар рўзи қабули декларатсияи гумрукии муваққатӣ аз тарафи мақоми  гумрук, ба истиснои ҳолатҳои пешбининамудаи КГҶТ, қабул карда мешаванд. <br>
Боҷҳои гумрукии  содиротӣ якҷоя бо пешниҳоди декларатсияи гумрукии муваққатӣ ба мақоми гумрук  супорида мешаванд. Агар маблағи пардохтшавандаи боҷҳои гумрукии содиротӣ дар  натиҷаи дақиқсозии маълумоти дар қисми 4 ҳамин модда зикргардида зиёд шавад,  маблағи иловагии боҷҳои гумрукии содиротӣ якҷоя бо декларатсияи гумрукии пурра  ва ба таври дахлдор пуркардашуда пардохта мешавад. Дар чунин ҳолат пина ҳисоб  карда намешавад. Маблағи барзиёд супорида ё барзиёд ситонидашудаи боҷҳои  гумрукии содиротӣ тибқи моддаи 396 КГҶТ баргардонида мешавад. <br>
Мушахассоти пардохти  боҷҳои гумрукии содиротӣ ҳангоми интиқоли мол тавассути қубур ё хати барқ  мутобиқи моддаҳои 312 ва 314 КГҶТ муайян карда мешавад. <br>
Агар баъди гузашти 4  моҳ аз рўзи қабули декларатсияи муваққатии гумрукӣ моли ватанӣ аз қаламрави гумрукии  Ҷумҳурии Тоҷикистон бароварда нашаванд, декларатсияи гумрукие, ки дар он  баровардани чунин мол арз шудааст, пешниҳоднашуда ба ҳисоб меравад. </p>

<div align="justify">Мақоми  гумрук бо дархости асосноки шахси манфиатдор мўҳлати мазкурро тамдид мекунад,  вале он набояд бештар аз 4 моҳи дигар бошад. </div>

Дидан карданд: 1126

Мавзӯъҳои монанд:

Идоракунии кормандон дар Мақомоти гумрук

Банақшагирии ташкили дар идоракунӣ дар Мақомоти гумрук

Ташкил ва танзим ҳамчун вазифаи идоракунӣ

Қабули қарорҳои идоракуни дар раванди идоракунӣ

Раванди идоракуни дар Мақомоти гумрук

Сохтори идоракунӣ дар Мақомоти гумрук

Хусусияти хоси идоракуни дар Мақомоти гумрук

Ташкили системаи идоракунӣ дар Мақомоти гумрукии Ҷумҳурии Тоҷикистон

Мақсад ва вазифаҳои фанни “Идоракуни ва ташкили фаъолияти гумрук”

Хироҷҳои гумруки ва намудҳои онҳо

Коментари дохил карданд:


Коментарии худро дохил кунед!

Суммаи ин ададҳоро нависед: