|

Ақидаҳои муосир доир ба назарияи қишрбандӣ ва таҳарруки иҷтимоӣ

Тартибдиханда: admin

Дохил кард: Ахмедов Бахром

Санаи дохилгардида: 2015-10-30

Оё мо ба таври эътимоднок бобати чун дар даврони «сотсиализм» мавҷуд будани синфҳо сухан гуфта метавонем? Масалан, агар аз таърифи ленинии синфҳо бароем, нишонаҳоеро, ки дар он оварда мешаванд, дарёфт кардан хеле душвор аст. Имрӯз, ба маънои томи сухан, дар бораи синфи коргару деҳқон фикр рондан номумкин аст, зеро тибқи таърифи ленинӣ омили асосии ташаккули синф муносибат ба воситаҳои истеҳсолот аст. Дар давраи ҷорӣ гаштани шаклҳои гуногуни моликият, ба вуҷуд омадани табақаи саҳмдорон, менеҷерон ва дигарон ин омил моҳияти худро гум мекунад. Имрӯз мо бештар дар бораи кормандони соҳаҳои саноат, аграрӣ, фарҳанг, маориф, тандурустӣ, идоракунӣ сухан карда метавонем. Аз ин нуқтаи назар барои таҳлили сохтори иҷтимоии ҷамъият таълимот оид ба синфҳо ва муносибати синфӣ натиҷаи дилхоҳ намедиҳанд. Ҷомеаро ба қишр, табақаҳои гуногун аз рӯи касб, даромад, мақоми ишғолкардаи онҳо дар ҳокимият ҷудо намудан мумкин аст.
Ҷомеашиносони рус Заславская Т. И. ва Рывкина Р. В. ба воситаи тадқиқоти мушаххаси иҷтимоӣ гурӯҳҳои зерини иҷтимоиро дар кишвари собиқ Иттиҳоди Шӯравӣ муайян намудаанд: а) гурӯҳи амудии ҳокимият (ҳизбӣ, давлатӣ, хоҷагидорӣ), ки аз ҳамдигар ва дар дохили ҳар зергурӯҳ аз рӯи мақоми ишғолкардааш дар сохтори хеш фарқ мекунад; б) гурӯҳи иҷтимоие, ки аз рӯи қудрат, обрӯ ва захираҳои моддӣ фарқ намуда, ба соҳаҳои гуногуни хоҷагии халқ тааллуқ дорад; в) гурӯҳи роҳбарони хоҷагиҳо, дараҷаҳои гуногуни ҳокимият; г) гурӯҳи зиёиён; ғ) гурӯҳи иҷтимоие, ки бо бизнеси оилавӣ ва фаъолияти фардии меҳнат машғуланд; д) унсурҳои ғайрисинфӣ.
Дар бораи сохтори қишрбандӣ ва таҳарруки иҷтимоӣ, унсурҳои онҳо назарияҳои гуногун вуҷуд доранд. 
Ҳамин тариқ, ҷомеаи муосир, давлатҳои демократӣ босуръат тараққӣ карда, дар сохтори иҷтимоиашон дигаргуниҳои назаррас ба вуҷуд меоянд. Дар онҳо барои вусъати мақоми иҷтимоӣ, аз як қишру табақа ба дигар гурӯҳҳои иҷтимоӣ гузаштани шахс имкониятҳои нав ба нав фароҳам меоянд.

Дидан карданд: 1072

Мавзӯъҳои монанд:

Тарзи таҳлил ва тафсири ахбору иттилооти бадастомада

Усул ва равишҳои ҷамъоварии ахбори иҷтимоӣ

Барномаи тадқиқоти иҷтимоӣ

Тадқиқоти иҷтимоӣ ва шаклҳои он

Тадқиқоти мушаххаси иҷтимоӣ

Ташкилотҳои байналхалқии исломӣ

Хусусияти хоси дини ислом ҳамчун институти иҷтимоӣ

Ташаккули дин ҳамчун институти иҷтимоӣ

Симои иҷтимоию сиёсӣ ва фарҳангии корманд

Инсон ҳамчун омили субъективии рушди иқтисодиёт

Коментари дохил карданд:


Коментарии худро дохил кунед!

Суммаи ин ададҳоро нависед: