|
youtaj

Шеърҳо аз Мӯмин Қаноат, Ману шабҳои бехобӣ

Тартибдиханда: admin

Дохил кард: Сино Эгамбердиев

Санаи дохилгардида: 2013-01-30

Ба ёди мӯи шабранги ту 
Шабро то саҳар бурдам, 
Нанолидам, 
Агарчи умри булбулро ба сар бурдам. 
Сарам дар бистари қу 
Гӯӣ дар гирдоб меғӯтид, 
Нигоҳам то саҳар дар шӯълаи маҳтоб меғӯтид, 
Ки шояд дар лаби дарё 
Туро ёбам тани танҳо, 
Бигӯям бо лаби хомӯш дар гӯшат 
Диламро - достонамро, 
Супорам дар таҳи боли ту ҷонамро… 
Чӣ лутф аст ин, 
Ки ногаҳ омадӣ дар хоби ширинам, 
Нишастӣ дар барам, болид болинам, 
Сафедӣ ёфтӣ дар мӯи мушкинам. 
Туро чун тифл бӯидам, 
Туро чун тифл бӯсидам. 
Ту хандидӣ, 
Зи лабхандат саҳар омад, 
Парӣ гаштӣ, 
Паридӣ, аз сарам рафтӣ, 
Ба мисли хоб аз чашми тарам рафтӣ. 
Зи ҷо ҷастам, 
Ки аз пуштат кунам парвоз, 
Барорам бо фалак овоз, 
Зи худ растам, 
Вале дидам; 
Маро дар пой занҷир аст, 
Садо бархост аз занҷири тиллоӣ: 
Магар овози занҷир аст, 
Ё овози тақдир аст?.. 
Бирафтӣ, монд афсона, 
Ҳамон болин, ҳамон хона; 
Тую шабҳои маҳтобӣ, 
Ману шабҳои бехобӣ… 


Мӯмин Қаноат

Дидан карданд: 4958

Мавзӯъҳои монанд:

Ифтихор

ҚИЁМАТ

МАНУ ТУ

Шеърҳо аз Мӯмин Қаноат, Ману шабҳои бехобӣ

Шеърҳо аз Мӯмин Қаноат, Бузургӣ ва хоксорӣ

Шеърҳо аз Лоиқи Шералӣ, Ворисон

Шеърҳо аз Лоиқи Шералӣ, ДАР ҚАТОРИ ҚУЛЛАҲОИ ТОҶИКИСТОН

Шеърҳо аз Лоиқи Шералӣ, Ситораҳо

Шеърҳо аз Лоиқи Шералӣ, Ишқи Ман аз Лоиқ Шералӣ

Шеърҳо аз Лоиқи Шералӣ, Пазмонӣ

Коментари дохил карданд:

Каментарй дохил кард: Ахмедов Б
Санаи дохилгардида: 2017-05-06

зур


Коментарии худро дохил кунед!

Суммаи ин ададҳоро нависед: