|

Мафҳуми институти иҷтимоӣ

Тартибдиханда: admin

Дохил кард: Ахмедов Бахром

Санаи дохилгардида: 2015-10-30

Институти иҷтимоӣ (аз забони лотинии institutum – созмон, муассиса)  шакли таърихӣ ва устувори ташаккули фаъолияти муштараки одамон мебошад. Мафҳуми мазкур ба маъноҳои гуногун истифода мешавад. Одатан дар бораи институти оила, маориф, тандурустӣ, давлат сухан меронанд. Институтҳо вазифадоранд, ки фаъолияти муштараки одамонро бо мақсади қонеъ гардонидани ин ё он талаботи иҷтимоӣ созмон диҳанд. Тавассути институт робитаву ҳамкорӣ ва муносибатҳои устувор, ташаккулёфта, стандартии одамон ба вуҷуд меояд.
Раванди институтикунонӣ якчанд шартҳоро дарбар мегирад:
1. Яке аз шартҳои зарури пайдоиши институти иҷтимоӣ мавҷудияти талаботи ҷамъият мебошад.
2. Институтҳои ҷамъиятӣ дар заминаи робитаҳои иҷтимоӣ, ҳамкорӣ, вобастагӣ ва муносибатҳои тарафайни одамон, гурӯҳҳои иҷтимоӣ ташкил меёбад.
3. Институти иҷтимоӣ аз нуқтаи назари ташкилӣ бояд ба расмият даромада бошад.
Институтҳои иҷтимоӣ дар ҷомеашиносӣ чун низоми махсус ва том баррасӣ мешавад. Ин чӣ гуна низом аст. Он аввалан маҷмӯи арзишҳо, меъёрҳо, ғояҳо, рафтору одоби гурӯҳи муайяни одамонро дарбар мегирад. Масалан, кодекс, қонуну қоидаҳои пизишкон, омӯзгорон, кормандони соҳаи хидматрасонӣ, тиҷорат ва ғайра мавҷуданд. Низоми институти иҷтимоӣ танзими рафтору кирдор, мувофиқатсозии кӯшиш ва равандҳои фаъолият, роҳҳои қонеъгардонии талаботи аъзоёни гурӯҳи иҷтимоиро мусоидат менамояд. Институтҳои иҷтимоӣ дар ҳаллу фасл ва пешгирии низоъ нақши муҳим бозида, осоишу ҳамкории одамонро таъмин мекунанд.
Ҳамин тариқ, институти иҷтимоӣ иттиҳоди муташаккили одамон аст. Он барои ба даст даровардани мақсадҳои муштараки аъзоёнаш, ки ба амри арзиш, меъёр, намунаҳои одобу рафтори иҷтимоӣ нақши муайян мебозанд, хидмат менамояд.

Дидан карданд: 3283

Мавзӯъҳои монанд:

Тарзи таҳлил ва тафсири ахбору иттилооти бадастомада

Усул ва равишҳои ҷамъоварии ахбори иҷтимоӣ

Барномаи тадқиқоти иҷтимоӣ

Тадқиқоти иҷтимоӣ ва шаклҳои он

Тадқиқоти мушаххаси иҷтимоӣ

Ташкилотҳои байналхалқии исломӣ

Хусусияти хоси дини ислом ҳамчун институти иҷтимоӣ

Ташаккули дин ҳамчун институти иҷтимоӣ

Симои иҷтимоию сиёсӣ ва фарҳангии корманд

Инсон ҳамчун омили субъективии рушди иқтисодиёт

Коментари дохил карданд:

Каментарй дохил кард: sorbon
Санаи дохилгардида: 2019-10-31

Раҳмат барои маълумот


Коментарии худро дохил кунед!

Суммаи ин ададҳоро нависед: