|

Қаҳва ва истифодаи он

Тартибдиханда: admin

Дохил кард: Ахмедов Бахром

Санаи дохилгардида: 2018-09-25

Қаҳва аз тухми меваи растании ҳамешасабз гирифта мешавад. 30 намуди қаҳва мавҷуд аст ва се намуди он гаравӣ, либерӣ ва робуста аҳамияти саноатӣ доранд. То аввалҳои асри ХУ11 қаҳва фақат дар Яман парвариш карда мешуду халос. Дар айни замон қаҳва асосан дар Бразилия (50 % -и содирот дар миқёси ҷаҳонро ташкил медиҳад), Колумбия, Мексика, Салвадор , Ҳиндустон ва дигар мамлакатҳо парвариш карда мешавад.
Ба Ҷумҳурии Тоҷикистон қаҳваро аз Бразилия, Ветнам, Яман, Колумбия, Ҳиндустон ва дигар мамлакат ҷаҳон мебиёранд.
Меваи қаҳваро баъди гирифтани ҳаҷми муайян ҷамъ мекунанд ва баъди коркарди махсус тайёр мекунанд. Меваҳои пухтагии қаҳва аз рўи намуди беруна ба олуболу монанд аст. Дар таги пўсти мева мағзи сершира мавҷуд мебошад. Мағзи қаҳваро мешўянд, хушк мекунанд, сайқал медиҳанд ва ферментатсия мекунанд. Донаи хушк кардашудаи қаҳва хом мебошад. Қаҳваи хом бўй надорад, нағз майда намешавад. Барои ҳамин ҳам пеш аз истеъмол қаҳваро дар ҳарорати 1800 - 2000С бирён мекунанд. Дар натиҷаи бирён кардан қаҳва ба мазза ва бўи махсус соҳиб мегардад. Дар таркиби қаҳваи бирёнкардашуда моддаҳои азотӣ 13,9%, равған 14,4%, кофеин 1,4%, моддаҳои маъданӣ 3,9%, қанд 2,8%, витаминҳои В1, В2, РР2 мавҷуд мебошад. Намнокии қаҳва то 7% мешавад. Аз сабаби он ки дар таркиби қаҳва моддаҳои дар боло номбаршуда мавҷуданд, қаҳва на фақат маҳсулоти таъмдиҳанда, балки ғизогии хуб низ ба ҳисоб меравад. Қаҳва системаи асабро ба ҳаяҷон меорад, коршоямиро баланд мебардорад, мубодилаи моддаҳоро беҳтар мегардонад.
Ба нуқтаҳои савдо барои фурўш қаҳваи хом, бирёнкардашудаи сиҳат ва майда кардашуда бароварда мешавад. Қаҳваи ҳалшаванда – хокаи якхелаи маҳини рангаш қаҳрабогӣ буда, дар оби гарм бе ҷўшонидан ҳал мешавад. Қаҳваро ба тарзу усулҳои гуногун ҷобаҷо мекунанд ва ба фурўш мебароранд, ки намуди он хеле зиёд аст.
Қаҳваро дар ҷойҳои хушке, ки намнокии нисбии ҳаво 75% аст нигоҳ медоранд. Қаҳваро вобаста аз намудаш ва тарзи ҷобаҷокунӣ аз 6 то 10 моҳ нигоҳ доштан мумкин аст.
Н ў ш о к и ҳ о и қ а ҳ в а г ӣ. Онҳо мазза ва бўи хуши ба қаҳва монанд доранд. Онҳоро аз рўи дастурамал аз ҷавдор, сулӣ, ҷав, меваҳои тухмдори бирёнкардашудаи қаҳва тайёр менамоянд. Вобаста аз тарзи коркарди он чунин гурўҳҳои нўшокиҳои қаҳвагиро истеҳсол менамоянд:

  1. Нўшокиҳои дар таркибаш 35% қаҳваи табиӣ дошта;
  2. Нўшокиҳои, (тсикори)-и қаҳвадор;
  3. Нўшокие, ки дар таркибаш на ҳиндбо ва на қаҳва доранд.

Умуман, нўшокиҳои қаҳвагиро дар халтачаҳои махсус бо вазни то 300г. ҷобаҷо мекунанд. Ин хўрокаро низ ба монанди қаҳва нигоҳ доштан мумкин аст. Мўҳлати нигоҳдории нўшокиҳои қаҳвагие, ки қаҳваи табиӣ надорад, 9 моҳ, қаҳваи табиӣ ҳамроҳ кардашуда 6 моҳ; нўшокиҳои қаҳвагии ҳалшаванда то 6 моҳ мебошад.

Дидан карданд: 292

Мавзӯъҳои монанд:

Маҳсулоти ғайри моҳигии баҳрӣ

Маҳсулоти моҳигӣ

Таснифи моҳиҳои шикорӣ

Арзиши истеъмолии гўшти моҳӣ

Маълумоти умумӣ дар бораи моҳӣ

Консерваҳои гўштӣ ва ҳасибҳо

Маҳсулоти дуюминдараҷаи гўштӣ

Гўшти парандаҳои хонагӣ ва харгўш

Маълумоти умумӣ дар бораи гўшт

Маҳсулоти тухмӣ

Коментари дохил карданд:


Коментарии худро дохил кунед!

Суммаи ин ададҳоро нависед: