|

Маълумоти умумӣ дар бораи сабзавоту меваҳо

Тартибдиханда: admin

Дохил кард: Ахмедов Бахром

Санаи дохилгардида: 2018-09-25

 Мевапарварӣ ва сабзавоткорӣ дар Ҷумҳурии Тоҷикистон хуб тараққӣ кардааст ва ҳоло хоҷагиҳои калони меваю сабзавоткор мавҷуданд, ки онҳо комёбиҳои илми биологияро васеъ татбиқ менамоянд. Ин соҳаи хоҷагии мамлакат қариб дар ҳамаи ноҳияҳои Ҷумҳурии Тоҷикистон дида мешавад ва сифати он хеле беҳтар гардида истодааст. Чунки аз намудҳои санҷидаи стандартии дарахтони мевадиҳанда ва сабзавот истифода бурда, аз намудҳои камфоида даст кашида истодаанд.
Дар сабзавоткорӣ ҳиссаи хоси зироати серғизо ва сервитамини помидор, карами ранга, шалғам ва зироатҳои полизӣ хеле зиёд шуданд. Дар байни дарахтони мевадори Ҷумҳурии Тоҷикистон ҷои аввалро себ ва аз буттамеваҳо ҷои якўмро ангур ишғол менамояд.
Дар тараққиёти мевапарварӣ И.В.Мичурин саҳми хеле калон дорад, зеро ў қариб 300 намуди пурқимати мева рўёнидааст. Намудҳои меваҳое, ки И.В. Мичурин ва пайравони сершумори ў рўёнидаанд, ҳоло ҳам дар ҷумҳуриҳои собиқ Шўравӣ парвариш карда мешаванд ва мавриди истифода қарор доранд.
Обчакорию боғдории шахсӣ дар Ҷумҳурии Тоҷикистон дар солҳои охир барои меҳнаткашонро аз меваю сабзавоти тару тоза таъмин намудан саҳми асосӣ доранд.
Дар назди масъулини мевапарварӣ ва сабзавоткорӣ чунин вазифаҳо гузошта шудааст:

  1. Бо истифода аз намудҳои серҳосил, ҳосилнокии ин зироатҳои хоҷагии қишлоқ дар асоси истифодаи комёбиҳои пешқадами илми биология боз ҳам баландтар бардоштани онҳо;
  2.  Дар гирду атрофи шаҳрҳо барпо кардани хоҷагиҳои пуриқтидори мевапарварӣ ва сабзавоткорӣ;
  3. Механиконидани парвариши меваю сабзавоткорӣ; ғундорӣ;
  4. Истифодаи усулҳои беҳтарини меваю ва сабзавотғундорӣ, ба намудҳо ҷудо кардан ва ба зарфҳо ҷойбаҷойкардани онҳо;
  5.  Ҳангоми сабзиш, кишту кор, кашондан ва нигоҳ доштани меваю сабзавот ба муқобили касалиҳо ва талафоти онҳо чораҳои зарурӣ андешиданд.

 Дар назди ташкилотҳои кооператсияи матлубот вазифа гузошта шудааст, ки аҳолиро бо меваю сабзавот дар давоми сол таъмин намоянд. Сабзавоту мева барои хўроки одамон роли асосиро мебозанд. Серғизогии онҳо аз миқдори карбогидратҳо, кислотаҳои органикӣ, сафедаҳо, намакҳои минералӣ ва хусусан бо миқдори витаминҳояшон, ки барои мубодилаи моддаҳо дар организми инсон заруранд, муйаян карда мешаванд. Ба ғайр аз он дар таркиби меваю сабзавот як қатор моддаҳои лазиз ва хушбўй ҳастанд, ки барои беҳтар ҳазм шудани хўрок ёрӣ мерасонанд. Сабзавоту меваҳо барангезандагони хуби фаъолияти ғадудҳои ҳазми хўрок ба ҳисоб мераванд. Оби даҳон ва шираи меъда дар вақти истеъмоли меваю сабзавот ба миқдори зиёд ҷудо мешаванд, ки барои ҳазми хўрок ёрӣ мерасонанд.
И.П.Павлов дар асоси тадқиқотҳои сершумори худ ба чунин хулоса омад, ки меваю сабзавот ва шарбати онҳо дар организми одам тамоми равандҳои ҳазми хўрокро ҳам сифатан ва ҳам миқдоран беҳтар менамоянд. Сабзавоту меваҳо хўроки шифобахш ва парҳезии хуб ба ҳисоб мераванд.

Дидан карданд: 862

Мавзӯъҳои монанд:

Маҳсулоти ғайри моҳигии баҳрӣ

Маҳсулоти моҳигӣ

Таснифи моҳиҳои шикорӣ

Арзиши истеъмолии гўшти моҳӣ

Маълумоти умумӣ дар бораи моҳӣ

Консерваҳои гўштӣ ва ҳасибҳо

Маҳсулоти дуюминдараҷаи гўштӣ

Гўшти парандаҳои хонагӣ ва харгўш

Маълумоти умумӣ дар бораи гўшт

Маҳсулоти тухмӣ

Коментари дохил карданд:


Коментарии худро дохил кунед!

Суммаи ин ададҳоро нависед: