Давраи андозсупорӣ муддате дар назар дошта шудааст  (соли тақвими,  семоҳа,  моҳ,  даҳрўза ё дигар мўҳлат), ки нисбати андозҳои алоҳида мутобиқи Кодекси андоз муқаррар гардидааст ва ҳангоми гузаштани он  (ба  охир  расидани  он)  манбаи андоз муайян ва маблағи андози ба буҷет супоридашаванда ҳисоб карда мешавад.  Аз сабабе, ки пардохти андоз ҳолати қатъи ўҳдадории андозро ифода менамояд бинобар ин муайян кардани лаҳзаи пардохти андоз бо мафҳуми он монанд аст. Давраи андоз метавонад  аз як  ё  якчанд давраҳои ҳисоботи (семоҳаҳо,  моҳҳо, даҳрўзаҳо ва дигар мўҳлатҳо) иборат бошад,  ки бо гузаштани (ҷамъбасти) онҳо пешпардохтҳо (пардохтҳои ҷори) сурат мегиранд.

Просмотр: 896