Чӣ хеле ки шумо алакай медонед, ҳар як компютер дар шабака (фарқ надорад, чӣ маҳалӣ бошад, ё ҷаҳонӣ) бояд, ки ба худ идентификатори IP – нишонӣ ва ниқоби зеришабакавӣ (маска подсети) дошта бошад. Ин талаботи ҳатмии пайвастшавии компютер ба шабака маҳсуб меёбад.

Варианти шабакаи маҳалиро дида мебароем:

Барои таъмин кардани компютер бо IP – нишонӣ ва ниқоби зеришабакавӣ, ду тарзи ин кор вуҷуд дорад: автоматикӣ ё дастӣ.  Танзими дастии IP нишонӣ вақти зиедеро мегирад, ғайр аз ин маънӣ надорад, чунки барои қисми зиёди компютерҳо тамоман фарқ надорад, ки чӣ гуна IP – нишонӣ доранд. Бинобар ин IP — нишониҳо тақсим шудаанд ба статикӣ ва динамикӣ.

Нишониҳои статикӣ дар он вақт истифода бурда мешаванд, ки агар дастрасӣ ба нуқта (узел) доимо лозим бошад. Ба ҳайсти чунин нуқтаҳо метавонанд маршрутизаторҳо ва коммутаторҳо, серверҳо, бархе аз компютерҳо, шлюзҳо ва ғайра истифода шаванд.

Нишониҳои динамикӣ, дар навбати худ, дар он ҷойҳое истифода бурда мешаванд, ки дастрасии доимӣ ба нуқта дида намешавад. Мисоли ин компютерҳои клиентӣ, чопгарҳои шавакавӣ, коммутаторҳои идоранашаванда ва ғайра метавонад бошанд.    

Барои идоракунии IP – нишониҳо DHCP-сервер (аз рӯи қоида, дар як вақт бо DHCP-сервер насбшаванда) истифода бурда мешавад. Яъне, ба компютери ҷудокшуда лозим аст, ки системаи оператсионии сервериро (масалан, Windows Server 2008)  бор (установка) кард ва дар он хизматрасонии DHCP – ро танзим кард. 

Барои IP – нишониҳо ҳамаи диапазонҳои нишониҳои дастрасро бояд ба якчанд диапазонҳои дигар, ки ҳар кадоми онҳо спетсификаи худро доранд, тақсим кард. Ба воситаи DHCP – сервер ҳар яке аз диапазонҳои нишониҳоро аз рӯйхати нишониҳо ва ё қоидаҳои созмон ёфтанашон пур кардан зарур аст.

Ҳангоми пайваст шудани компютер ба шабака, DHCP-сервер тарзи IP – нишонии онро, ки дар адаптери шабакавии компютер танзим шудааст, муайян мекунад. Агар дар танзимгари адаптер нишонии статикӣ ба қайд гирифта шуда бошад, онгоҳ он бо рӯйхати нишониҳои статикии иҷозатдодашуда муқоиса карда мешавад ва дар ҳолати мавҷуд буданаш ба истифодабаранда иҷозати ба шабака  ворид шудан дода мешавад. Агар дар танзимгари адаптер истифодабарии нишонии динамикӣ ба қайд гирифта шуда бошад, пас DHCP-сервер аз нишонаҳои дастрас дилхоҳи онро ҷудо карда, онро дар пойгоҳи додаҳои худ ба қайд мегирад. Ғайр аз ин маъмурияти (администратор) шабака метавонад вақти муайяни кор ва амал кардани нишонии динамикиро ба танзим дарорад.

Ҳамин тариқ, дар шабакаҳои маҳалии ширкатҳои бузург қисме аз компютерҳо ҳамеша аз нишониҳои динамикӣ истифода мебаранд, ки он нисбатан осон ва қулай аст. Инак, барои пайвастшавии компютер ба шабака кофист, ки он ба домен пайваст бошад. Ҳамин ки ин амал иҷро шавад, истифодабаранда метавонад ба кори худ шурӯъ кунад.

Просмотр: 1740